Archive for the ‘ போன்சாய் ’ Category

P – 149

இடுப்பில் ஈரம்
அடுப்பில் பூனை
படுத்ததும் தூக்கம்.
          கட்டுக்கட்டாய் பணம்
          கொட்டக் கொட்ட விழிப்பு
          விட்டு விட்டு  தூக்கம்
அப்துல் கையூம்

P – 150

கடற்காரிகையின்
அலைக் கூந்தலில்
கட்டு மரப் பேன்
          அப்துல் கையூம் 

P – 151

சாலையோரம்
சீராய் அணிவகுப்பு
          தொப்புளில்
          எண்கள்
செக்ஸியாய்
மரங்கள்
          நெடுஞ் சாலையில்
          அழகிப் போட்டியோ ..?
அப்துல் கையூம்

P – 152

p-152.jpg 
“எழுதாதே” என
எழுதியிருந்தது
ஏதோ ஒரு சுவற்றில்
         
          யார் எழுதியது ..?
அப்துல் கையூம்

P – 153

p-153.jpg  

கையிலே தராசு

கண்களில் கருப்புத்துணி

          எடை பார்க்கவோ ..?

          கண்ணாமூச்சி ஆடவோ ..?

வழியேதும் புரியாமல்

விழிப்பிதுங்கி பிரமையாய்

          சிலையாகிப் போன

          நீதி தேவதை ..!

                    – அப்துல் கையூம்

P – 154

p-154.jpg 
பூப் பறிக்க
கோடரி எதற்கு ..?
          கடலையே
          போதுமாம் .. ..
பஸ் ஸ்டாப்பில்
கவிதையாய்க்
கலாய்க்கும்
கல்லூரி மாணவன்
          அப்துல் கையூம்

P – 155

p-155.jpg 
டக்.. டக்.. டக்…
          நுழையுமுன் அனுமதி
          நல்லதொரு பண்பு
மரத்திலே
மரங்கொத்தி
அப்துல் கையூம்
           

P – 156

p-156-new.jpg  

வரவேற்பறையில் ஒரு

கண்ணாடி கல்லறை

          வட்டமிட்டு வளையவரும்

          வண்ண வண்ண மீனினம்

சிறைப்பிடித்து பார்ப்பதில்

சின்ன சின்ன சந்தோஷம்

          நாளொரு மேனியாய்

          விரிந்துக்கொண்டே போகும்

          பரந்த பிரபஞ்சம்

பிரபஞ்சத்தை விரிவாக்கும்

பேரிறைவன்

          உயிரினங்களின்

          உலகத்தை

          ஓரிரு அடிகளில் சுருக்கி

          உவகையுறும் மனிதன்

                      – அப்துல் கையூம்

P – 157

p-157.jpg 
சிக்கலில் தொடங்கி
சிக்கலில் முடிவுறும்
மனித வாழ்க்கை
          வாழ்க்கையின் கட்டங்கள்
          வரிசையாய் சிக்கல்கள்
பூமி தொடங்கிய போதே
சிக்கலும் துவக்கம்
          சாத்தானின் சிக்கலில்
          சிக்குண்டான் முதற் மனிதன்
சிக்கலைத் தீர்க்க
சிந்தை தெளிந்தோர்
சிகரத்தை தொட்டோர்
          கருப்பையில்
          சிக்கியதால்தான்
          நீயும் நானும்
வாழ்க்கையின் முடிவே
சுவாசச் சிக்கல்தானே ..?
அப்துல் கையூம்

P – 158

தவறுகள் எனக்கு
தாராளமாய் பிடிக்கிறது !
          சின்னச்சின்ன தவறுகள்
          கொள்ளை அழகு
கொலம்பஸைக்
கேட்டுப் பார்
          ஒரு இந்தியாவைத்
          தேடப் போய்த்தான்
          அமெரிக்கா கிடைத்தது
ஒரு தவறான முகவரிதான்
உன்னை அறிமுகம் தந்தது
          மோதல் தவறுகள்தான்
           காதல் வளர்க்குமாம்
           முழுதும் உண்மை
உன் ஒரு பக்கத்து
கன்னக் குழி
படைத்தவனின் தவறோ.. ?
          தவறுகள் எனக்கு
          தாராளமாய் பிடிக்கிறது
அப்துல் கையூம்