P – 139
வாழ்க்கை என்றால்
ஆயிரம் இருக்கும்
ஏனிந்த தளர்நடை
கைகளைத்
தொங்க விட்டு
பாதையில் குனிந்தபடி
பனிதுருவத்தில் பென்குயின் .. !
அப்துல் கையூம்
Archive for the ‘ போன்சாய் ’ Category
வாழ்க்கை என்றால்
ஆயிரம் இருக்கும்
ஏனிந்த தளர்நடை
கைகளைத்
தொங்க விட்டு
பாதையில் குனிந்தபடி
பனிதுருவத்தில் பென்குயின் .. !
அப்துல் கையூம்
P – 140
மரத்துப் போனது
வெறும் உடம்புதான்
இதொ பார் என்
நெஞ்சுக்ககுள் ஈரம்
சொட்டுச் சொட்டாய்
கசியும் ரப்பர் பால்
அப்துல் கையூம்
P – 141
முதுமைக்கு
முன்னுரை;
வயதுக்கு
பகவுரை;
காதோரம்
பதிப்புரை;
இலேசாய்
இளநரை.
அப்துல் கையூம்
P – 142
இருப்பதை
கண்டு பிடிப்பதில்
ஏற்றமென்ன ..?
இல்லாததைக்
கண்டுபிடித்தானே
இந்தியன் ..
அந்த பூஜ்ஜியம்
அவன் புகழ் பாடும்.
அப்துல் கையூம்
P – 143
இரவல் தந்ததை
இறையவன் கேட்க
அஃறிணை ஆனார்
பெரும் பணக்காரர்
அப்துல் கையூம்
P – 144
இன்றைய மந்தம்
தெளிந்தது
நாளைய அவசரம்
புரிந்தது
கலிலே சக்கரம்
கையிலே இயந்திரம்
சந்ததிகளே !
பந்தயத்திற்கு
முந்துங்கள்
அப்துல் கையூம்
P – 145
சிகரெட் கடைதனில்
சின்னச் சின்ன பெட்டி
சின்னச் சின்ன பெட்டிக்குள்
சீராய் அடுக்கிய தீக்குச்சி
தீக்குச்சி முனையில் நஞ்சு
நஞ்சு பூசும் பிஞ்சு விரல்கள்
பிஞ்சு விரல் நகக்கண்ணில்
தகதகக்கும் துகள்கள்
தகதகக்கும் துகள்களுடன்
கந்தகக் கிடங்கு
கந்தகக் கிடங்குகளில் நம்
கண்மணி சிறார்கள்
அப்துல் கையூம்
P – 146
அழுகையும் ஓர் அழகு !
சந்தோஷங்கள்
காவியங்கள் ஆவதில்லை
மலை அழுதால் மழை
அது பூமிச் செழிப்பு
கரம் அழுதால் வியர்வை
அது கடும் உழைப்பு
கடல் அழுதால் முத்து
அது நல்ல விலை
மனம் அழுதால் கவிதை
அது எழுத்துக் கலை
கைகளை ஏந்தி
கடவுளை நினை
கண்ணீர்ச் சுரக்கும்
இதயக் கந்தையை
கசக்கிக் கட்டு
அர்த்தமுள்ள அழுகை
ஆத்மச் சலவவ
அழத் தொடங்கி
அழ வைத்து ஓய்வதுதானே
அற்ப கால் வாழ்க்கை ..?
அப்துல் கையூம்
P – 147
உலகச் ச்ந்தையில்
இந்தியத் தோலுக்கு
குறைந்த ஊதியமாம்
இவர்களென்ன
பிரும்மா பதிப்பகத்தின்
பழுப்பு நிற
மலிவுவிலை
பதிப்புக்களோ ..?
அப்துல் கையூம்
P – 148
உலா போகும்
நிலாப் பெண்
ஓய்வெடுக்கும்
ஒப்பனை மாடம்
தென்றல் தாலாட்டும்
பளிங்குத் தூளி
நட்சத்திரக் கூட்டத்தின்
ஒத்திகைக் கூடம்
மேகங்கள் தாகம் தீர்க்கும்
தண்ணீர்ப் பந்தல்
சூரிய அதிபரின்
வெள்ளை மாளிகை
அந்த
தாஜ்மகால் !!
அப்துல் கையூம்
Information
Change this sentence and title from admin Theme option page.
உதயம் 