P – 118
எந்தப் புகைப்படச்சுருளை
இரவு பகல்
கழுவுகிறார்கள்
இந்த
நிழற்படக்
கலைஞர்கள் ?
இருட்டறைக்குள்
துறு துறுவென்று
கருத்த வெளவாள்கள் .. ..
அப்துல் கையூம்
Archive for the ‘ போன்சாய் ’ Category
எந்தப் புகைப்படச்சுருளை
இரவு பகல்
கழுவுகிறார்கள்
இந்த
நிழற்படக்
கலைஞர்கள் ?
இருட்டறைக்குள்
துறு துறுவென்று
கருத்த வெளவாள்கள் .. ..
அப்துல் கையூம்
P – 119
ஊடல் ..
பெண்ணின்
பொல்லாத ஆயுதம்
பலிகடாவானால்
பறந்திடும் ஊதியம்
ஆம்.. அரசு
அச்சடித்த காகிதம்
அப்துல் கையூம்
P – 120
புரட்டிப் போட்டது
காண்டா மிருகம்.
மூக்கின் மேல் என்ன
அப்படியொரு கோபம் ?
மிருகமென
உனை அழைத்தது
நியாயம்தானோ ?
அப்துல் கையூம்
P-121
தேடலே வாழ்க்கை
வாழ்க்கையே தேடல்
ஒரு சீதையின் தேடல்
இராமாயாணம் ..
ஒரு சிலம்பின் தேடல்
சிலப்பதிகாரம் ..
ஒரு கணையாழியின் தேடல்
சாகுந்தலம்
ஆதி மனிதன்
கல்லைத் தேடி
வேட்டையாடினான்
இன்று மனிதன்
நிலவில் சென்று
கல்லைத் தேடினான்
தேடலில்லா வாழ்க்கை
தேறாத வாழ்க்கை
நேற்றைய தேடல்
இன்றைய சொகுசு
இன்றைய தேடல்
நாளைய சேமிப்பு
– அப்துல் கையூம்
P – 122
மீசை முளைத்தோரெலாம்
பாரதி என்றால்
எனக்கும் ஆசை
கவிதை வடித்திட
இப்படிக்கு,
பாசமுடன்
கரப்பான் பூச்சி.
அப்துல் கையூம்
P – 123
செல்லரிக்கா ஏடுகளில்
பல்லவனார் வடித்த
சொல்லவொணா
சிற்பக் கவிதை
மகிமை சேர்
மாமல்லபுரம்
அது கடலோரக்
கற்காவியம்
– அப்துல் கையூம்
P – 124
சத்துணவு
ஆயாவுக்கு
சொத்தையும்
சொள்ளையுமாய்
எலும்பும்
தோலுமாய்
இடுப்பிலொரு
பிள்ளை
– அப்துல் கையூம்
P – 125
அடித்ததோ
பேய்க்காற்று
தலை விரித்து
சாமி ஆடிய
பனை மரத்து
பாவைக்கு
மரமேறி
மந்திரித்து
இறுக்கமாய்
தாயத்து
கழுத்திலே
கள்ளுப் பானை
– அப்துல் கையூம்
P – 127
சீ..ச்..சீ
டெய்லரா அவன்..?
சட்டைப்பை இல்லாமல்
சட்டையா..?
சண்டையிட
கிளம்பினேன்.
போகட்டும் கழுதை ..
இருந்தால் மட்டும்
என்னதான் வாழுதாம் ..?
அப்துல் கையூம்
P – 128
வகுப்புக்கு மட்டம்
கையிலே கவண்எறி
இளமையில் கல்
அப்துல் கையூம்
Information
Change this sentence and title from admin Theme option page.
